facebook  Instagram logo  

E-mail: info@noyantapan.am

ԳՐԵՆԱԿԱՆ

ԳՐՔԵՐ

ԽԱՂԵՐ

ԲԱՑԻԿՆԵՐ

ԶԱՄԲՅՈՒՂ

0 ԱՊՐԱՆՔ - 0.00 AMD
ԴԻՏԵԼ ԶԱՄԲՅՈՒՂԸ

ԱՌՑԱՆՑ ԽՈՐՀՐԴԱՏՈՒ


ԳՐԵԼ ԽՈՐՀՐԴԱՏՈՒԻՆ!

Ի ԳԻՏՈՒԹՅՈՒՆ

Կայքում ներկայացված են միայն այն ապրանքները, որոնք ունեն մեծ պահանջարկ:

Ամբողջական տեսականու հետ կարող եք ծանոթանալ այցելելով մեր խանութ-սրահ:

 «Նոյյան տապան» ՍՊԸ-ն հիմնադրվել է 1994 թվականին:

Այդ տարիներին ընկերությունը էական հաջողությունների է հասել՝ դառնալով գրենական պիտույքների շուկայի խոշոր մասնակիցներից մեկը, ձեռք է բերել գրապիտույքի, թղթի, գրքի եւ այլ տպագրական արտադրանքի մշտապես զարգացող, վստահելի մատակարարի համբավ: Նման հաջողության գրավականը մեր աշխատակիցների բարձր մասնագիտական մակարդակն է, արդյունավետ կառավարումը, այն օժանդակությունը, որ ցուցաբերում են մեր հաճախորդները եւ գործընկերները: Գնորդներին գրավում է գրասենյակի, ուսման, մանկական եւ գեղարվեստական ստեղծագործության համար անհրաժեշտ, գրենական պիտույքների շուկայում գոյություն ունեցող բոլոր ապրանքային խմբերն ընդգրկող արտադրանքի լայն տեսականին, պահեստում այդ ապրանքների մշտական առկայությունը: Այսօր վաճառքում կա մոտ 9000 անուն գրենական պիտույք եւ գրասենյակային պարագա, ինչպես նաեւ՝ ավելի քան 30000 գիրք եւ այլ տպագրական արտադրանք: 

Տեսականու ձեւավորման քաղաքականությունում ընկերությունը ձգտում է համադրել տարբեր եկամուտ ունեցող գնորդների շահերը, փորձում է գտնել որակի եւ գնի լավագույն հարաբերակցությունը: Շուկայում ակտիվորեն առաջ ենք մղում մեր կողմից առաջարկվող ապրանքատեսակները, նպաստում վերջնական սպառողների կողմից այդ արտադրանքի ճանաչմանը: Հետեւում ենք գրքի եւ գրենական պիտույքների միջազգային շուկայում տեղի ունեցող բոլոր փոփոխություններին, այցելում արտերկրում կազմակերպվող գրքի եւ գրենական պիտույքների ցուցահանդեսներ եւ տոնավաճառներ: Փոխշահավետ գործնական հարաբերություններ են հաստատվել արեւմտյան եւ կենտրոնական Եվրոպայի, Ռուսաստանի, Չինաստանի, Արաբական Միացյալ Էմիրությունների եւ այլ երկրների ընկերությունների հետ: «Նոյյան տապան»-ը հանդիսանում է Հայաստանում մի շարք խոշոր համաշխարհային արտադրողների բացառիկ ներկայացուցիչը:

Մենք աշխատում ենք գնորդների լայն շրջանակի հետ: Կուտակված փորձը հնարավորություն է ընձեռում անհատական մոտեցում ցուցաբերել նրանցից յուրաքանչյուրի նկատմամբ՝ հաշվի առնելով ցանկությունները: Մեր ընկերության մշտական հաճախորդներն են պետական եւ մասնավոր խոշոր կազմակերպություններ եւ ընկերություններ, ուսումնական հաստատություններ,
միջազգային, ոչկառավարական եւ հասարակական կազմակերպություններ, դեսպանատներ, հանրապետության բնակչության գրեթե բոլոր շերտերը: Ընկերությունը ապրանք է մատակարարում մասնագիտացված խանութներին, սուպերմարկետներին, մանրածախ առեւտրի այլ կազմակերպությունների: Մեր նպատակն է օգնել գործընկերներին հաջողությամբ ներկայացնել այդ ապրանքները իրենց գնորդներին: Առաջարկվում են մրցունակ գներ, աշխատանքի ճկուն պայմաններ, ցույց է տրվում տեղեկատվական եւ շուկայագիտական օժանդակություն:
Իրականացվող ծրագրի շրջանակներում հրատարակվում են բարձրորակ հայատառ դպրոցական տետրեր, մանկապատանեկան եւ ճանաչողական գրականություն: Հանրապետության բնակչության շրջանում լայն տարածում է գտել դպրոցական ամառային արձակուրդների օրերին ավանդաբար անցկացվող «Գերազանցիկ» ակցիան, որի շրջանակներում հանրակրթական դպրոցների, բարձրագույն եւ այլ ուսումնական հաստատությունների գերազանցիկներին տրամադրվում է 20% խրախուսական զեղչ: Ուրախալի է, որ այդ ակցիան հասարակայնության կողմից ընկալվում է ոչ միայն որպես մեր կողմից սովորողներին ցուցաբերվող զգալի նյութական օժանդակություն, այլ նաեւ՝ բարոյական խրախուսանք, նրանց գերազանց ձեռքբերումների գնահատական:
Մեր կողմից վաճառվող ապրանքները բնականորեն միաձուլվում են գրասենյակների գործնական մթնոլորտին, դպրոցական մանկության վառ աշխարհին, բուհական լարված ուսման հետ՝ մեր կյանքի գործնական մասը դարձնելով ավելի հարմարավետ, համակարգված, վառ եւ արդյունավետ:
Մենք նվիրված ենք ընկերության գաղափարախոսությանը՝ մեր գործունեությամբ օգնել մարդկանց աշխատանքում, կենցաղում, ուսման մեջ, նպաստել նրանց դառնալու ավելի կիրթ եւ ուսյալ:

Մեր ընկերության նշանաբանն է՝ «Նոյյան տապան»՝ լուսավոր մարդու աշխարհ:

Մենք մշտապես ուրախ ենք տեսնել Ձեզ հետեւյալ հասցեում՝

ՀՀ, 0010, ք.Երեւան, Աբովյան 8, հեռ.՝ 012 505 505

Կոմիտաս 50, հեռ.՝ 012 510 510 

Էլ.փոստ՝ Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript

ԿՈՆՏԱԿՏՆԵՐ

ՀՀ, 0010, ք.Երեւան, Աբովյան 8, հեռ.՝ 012 505 505

Կոմիտաս 50, հեռ.՝ 012 510 510

ԸՆԴՈՒՆՈՒՄ ԵՆՔ

      

Ընդունում ենք վճարումներ կանխիկ, փոխանցումով, Arca, Visa, Maestro, MasterCard, American Express վճարային քարտերով

ԱՇԽԱՏԱԺԱՄԵՐ

Երկ.-Շբթ.՝ 10:00-20:00 (Աբովյան 8)

 Երկ.-Ուրբ.՝ 10:00-19:00,

Շբթ.՝ 10:00-18:00 (Կոմիտաս 50)

 Կիրակի՝ հանգստյան օր

ԻՆՉՊԵՍ ՀԱՍՆԵԼ