facebook  Instagram logo  

E-mail: info@noyantapan.am

ԳՐԵՆԱԿԱՆ

ԳՐՔԵՐ

ԽԱՂԵՐ

ԲԱՑԻԿՆԵՐ

ԶԱՄԲՅՈՒՂ

0 ԱՊՐԱՆՔ - 0.00 AMD
ԴԻՏԵԼ ԶԱՄԲՅՈՒՂԸ

ԱՌՑԱՆՑ ԽՈՐՀՐԴԱՏՈՒ


ԳՐԵԼ ԽՈՐՀՐԴԱՏՈՒԻՆ!

Ի ԳԻՏՈՒԹՅՈՒՆ

Կայքում ներկայացված են միայն այն ապրանքները, որոնք ունեն մեծ պահանջարկ:

Ամբողջական տեսականու հետ կարող եք ծանոթանալ այցելելով մեր խանութ-սրահ:

7893

«Նոյյան տապան» գրատունը շարունակում է իր բացառիկ նախագիծը՝ «Քաղաքում քայլողը»: Նախագծի նպատակն է ճանաչել ու իմանալ այն հետաքրքիր մարդկանց, ովքեր քայլում, ապրում, աշխատում, մտածում ու ստեղծագործում են մեր քաղաքում:

Այսօր գրատունը հյուրընկալել էր հերթական հյուրին` «քաղաքում քայլող» Վահե Գեղամին: Վերջինս ավարտել է ԵՊՀ աստվածաբանության ֆակուլտետը: Ներկա պահին ուսումնասիրում է դիվանագիտություն, ստեղծագործում եւ սիրում է ճանապարհորդել:

Տարբեր քաղաքներով ճամփորդելով՝ նա մշտապես փորձում է  քաղաքները դիտարկել 2 տեսանկյունից՝ որպես հայ եւ պարզապես որպես ճանապարհորդ, ինչպես նաեւ փորձում է համեմատել իր կարդացածի հետ: Ինչպես ինքն  է նշում, քաղաքները տարբերվում են նրանից, ինչ կարդում ենք գրքերում: 

«Օրինակ՝ տեսածս Փարիզն իսկապես տարբերվում էր այն Փարիզից, որի մասին շատ էի կարդացել: Այն գեղարվեստական պատկերը, որը մենք գրքերից ունենք մեր մեջ, անհետանում է, երբ հայտնվում ես Փարիզի կենտրոնում: Մեքենաների եւ մարդկանց  հսկայական շարժը չքացնում է այն, ինչ իրականում պատկերացրել ես: Սակայն որպես ճանապարհորդ յուրաքանչյուրը գտնում է իրեն հետաքրքրող բան: Ես սիրեցի գիշերային Փարիզը՝ չնայած իր վտանգավոր փողոցներին»,- նշեց Վահե Գեղամին եւ հավելեց, որ մշտապես ճանապարհորդությունը համեմատում է ընթերցանության հետ, քանի որ գիրք կարդալն ինքնին ճանապարհորդություն է: 

Մայրաքաղաք Երեւանի մասին խոսելիս հյուրը նշեց, որ սիրում է այն Երեւանը, որը հիմա կա՝ թե՛ բացասական, թե՛ դրական կողմերը հաշվի առնելով: Երեւանն այլ քաղաքների հետ Վահե Գեղամին չցանկացավ համեմատել, քանի որ, ըստ նրա, յուրաքանչյուր քաղաք ունի իր ուրույն մշակույթը, սակայն երեւանյան մշակույթը, իհարկե, առանձնահատուկ է՝ սկսած ցայտաղբյուրներից, որոնք այլ երկրներում ամեն քայլափոխի չես տեսնի, վերջացրած թաղամասերից, այգիներից ու փողոցներից:

Խոսելով ընթերցանության մասին՝ հյուրը նշեց, որ ընթերցանությունը մարդու կյանքում շատ կարեւոր տեղ պետք է զբաղեցնի, եւ յուրաքանչյուր մարդ պետք է ընթերցի տարբեր ժանրեր, որպեսզի հասկանա ու գտնի իր սիրելի գիրքը, քանի որ կարդալն արվեստ է: 

Ինչպես արդեն նշել ենք, Վահե Գեղամին ստեղծագործում է: «Ստեղծագործությունը բախումների (ոչ ֆիզիկական) ու կուտակումների հետեւանքով է առաջանում: Այդ ամենը նման է հրաբխի, որը կուտակումների հետեւանքով մի օր ժայթքում է: Ինձ մոտ կուտակումները եղել են դեռեւս պատանեկության շրջանում, երբ սկսեցի ստեղծագործել, սակայն անլուրջ էի մոտենում, երբեմն պատռում, այրում, դեն նետում, սակայն հետո զգացի, որ ինքնաբերաբար սկսեցի կրկին հոսքի մեջ ընկնել ու ստեղծագործել»,- անկեղծացավ նա: 

Այն հարցին, թե ինչպես է վերաբերում քննադատություններին, հյուրը նշեց, որ, իհարկե, հաճելի է մշտապես դրական խոսքեր լսելը, սակայն բացասականին եւս նորմալ է մոտենում, քանի որ դրական եւ բացասական կարծիքների առկայությունը համարում է բնական:  

Վահե Գեղամին չի սիրում ապագայի մասին խոսել: Նա կյանքում առաջնորդվում է իր համար նախանշած բանաձեւով՝ երազում է, մտածում, իսկ հետո այդ երկուսի գումարին հավելում նպատակը: 

Նշենք, որ հանդիպումն անցնում էր շատ ջերմ եւ ընկերական մթնոլորտում: Հյուրն իր հերթին շնորհակալություն հայտնեց ներկաներին եւ «Նոյյան տապան» գրատանը՝  «Քաղաքում քայլողը» նախագծի շրջանակում իրեն հյուրընկալելու համար: 

ԿՈՆՏԱԿՏՆԵՐ

ՀՀ, 0010, ք.Երեւան, Աբովյան 8, հեռ.՝ 012 505 505

Կոմիտաս 50, հեռ.՝ 012 510 510

ԸՆԴՈՒՆՈՒՄ ԵՆՔ

      

Ընդունում ենք վճարումներ կանխիկ, փոխանցումով, Arca, Visa, Maestro, MasterCard, American Express վճարային քարտերով

ԱՇԽԱՏԱԺԱՄԵՐ

Երկ.-Շբթ.՝ 10:00-20:00 (Աբովյան 8)

 Երկ.-Ուրբ.՝ 10:00-19:00,

Շբթ.՝ 10:00-18:00 (Կոմիտաս 50)

 Կիրակի՝ հանգստյան օր

ԻՆՉՊԵՍ ՀԱՍՆԵԼ